ساوالان باخ هاوالان، دردین آلان، چوخدو منیم تک
سئویره م داغ- دَ ره وی، بَت- به ره وی جانلا- تَنیم تک
قارا، آغلی- قاراداغلی ، قاراباغلی ، وطنیم تک
آی بوتون وارلیغی گْؤیچک
ده لی وورغونلارا باش چک!
آی طبیعت گؤزه لی چوْخلو گوزه للیک گؤزو سه ن سن
هم شیرین یازلی، شیرین نازلی، باخیشلار سؤزو سه ن سن
نه بیلیم! بلکه ده دونیادا بهشتین اؤزو سه ن سن
کوْ ثه رین چئشمه سی دریاچه وه باغلی
اَته گین سَبزه لی – باغلی
گول له رین خوْ للو بوتاقلی
گؤز باخارکه ن باخیشملا اؤپوره م آل یاناغین دان
خضر تک آختاریرام آب حیاتی بوُلاغین دان
وارلیقین شه فتینی بلکه اَ مه م اوْ گول دوداغیندان
آلمادان حاجه تیمی من اوْ موقدده س اوْ جاغیندان
چکمه رم ال- آیاغین دان
قوْپمارم هئچ قوُ جاغیندان
اوُلوُ سوُلطان ساوالان، داغلار آرا توُت اوُجا باشین
نئچه میلیون ایلی آید یندی قْوْیوب دور گئری یاشین
آچیق آلنین قیریشیبسا، آغاریب باشیله قاشین
یئنه سای سیزدی ته لاشون
چوخ! دوشوب باشلارا داشین
حؤرمتین وار ائل آرا ، بیزلره سوُ لطان بابا سه ن سن
اؤز قوچاقلارینا یوْ ل گؤسته رن آغشین خوْ جا سه ن سن
دده قوُرقوُ د لو او سه ک سن بیر ائلاته آتا سه ن سن
دیللرین اَزبری ائللر آرا سه ن سن
بوْ للو ده رده چارا سه ن سن
بولوت قاراچورلو سهند - Bulut Qaraçorlu - SƏHƏND
Savalan, bax havalan, dərdin alan, çoxdu mənim tək
sevirəm dağ- dərəni, bət- bərəni, canla tənim tək
qara- ağlı; Qaradağlı, Qarabağlı, vətənim tək
ay bütün varlığı göyçək
dəli vurğunlara baş çək!
ay təbiət gözəli, çoxlu gözəllik gözü, sənsən
həm, şirin yazlı- şirin nazlı, baxışlar sözü, sənsən
nə bilim! bəlkə bu dünyada beheştin özü, sənsən?
Kovsərin çeşməsi dəryaçana bağlı
ətəyin səbzəli- bağlı
güllərin qollu butaqlı
göz baxarkən baxışımla, öpürəm al yanağından
Xızr tək axtarıram a`b-i həyatı bulağından
varlığın şəftini bəlkə əməm o gül dodağından
almadan ha`cətimi, mən o müqəddəs ocağından
çəkmərəm əl, ayağından
qopmaram heç qucağından
ulu sultan Savalan, dağlar ara tut uca, ba`şın
neçə milyon ili aydındı qoyubdur geri ya`şın
açıq alnın qırışıbsa, ağarıb baş ilə qa`şın
yenə saysızdı tala`şın
....çox düşüb başlara da`şın
hörmətin var el ara, bizlərə Sultab baba, sənsən
öz qoçaqlarına yol göstərən ağşın xoca, sənsən
Dədə Qurqudlu o səksən bir elata Ata, sənsən
dillərin əzbəri ellər ara, sənsən
bollu dərdə çara, sənsən
نظرات شما عزیزان: